ខេត្តកណ្តាល : ដោយមានមតិដឹកនាំរបស់លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល
នៅថ្ងៃ ពុធ ២រោច ខែ បឋមាសាឍ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី ០១ ខែ កក្កដា ឆ្នាំ២០២៦ វេលាម៉ោង១៥.០០នាទី ។
លោកវរសេនីយ៍ឯក មាន សំណាង អធិការ នគរបាលស្រុកអង្គស្នួល បានដឹកនាំលោកអធិការរង លោកនាយផ្នែក លោកនាយប៉ុស្តិ៍ទាំង១០ ចូលរួមគោរពវិញ្ញាណក្ខន្ធ សពលោកអនុសេនីយ៍ឯក វ៉ែន ម៉ុង ថ្ងៃខែឆ្នាំកំណេីត១៣.០៤.១៩៧២ អត្តលេខ៤០៤៣៣ មន្រ្ដីប៉ុស្ដិ៍នគរបាលរដ្ឋបាលសំរោងលេី នៃអធិការដ្ឋាននគរបាលស្រុកអង្គស្នួល ដែលបានទទួលមរណៈភាពកាលពីថ្ងៃអង្គារ១រោច ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣០ ខែមិថុនា ឆ្នាំ២០២៦ វេលាម៉ោង០១និង០០នាទីរំលងអធ្រាត្រ ដោយរោគាពាធ នៅគេហដ្ឋាននៃសព ស្ថិតនៅភូមិពណ្ណរាយ ឃុំសំរោងលេី ស្រុកអង្គស្នួល ខេត្តកណ្ដាល។
-សពបានតម្កល់ធ្វើបុណ្យទៅតាមប្រពៃណីព្រះពុទ្ធសាសនា នៅគេហដ្ឋាននៃសព ។
នាឱកាសនេះ លោកវរសេនីយ៍ឯក មាន សំណាង ក្នុងនាម នាយនគរបាល នាយនគរបាលរង និងពលនគរបាល នៃអធិការដ្ឋាននគរបាលស្រុកអង្គស្នួល ទាំងអស់ សូមចូលរួមរំលែកទុក្ខយ៉ាងក្រៀមក្រំ និងសោកស្តាយជាទីបំផុត ដល់ក្រុមគ្រួសារ ចំពោះការបាត់បង់ដ៏ធំធេងនូវស្វាម៉ី លោកឪពុក លោកតា ដ៏មានព្រហ្មវិហារធម៌ម្នាក់នេះ ក៏ដូចជាការបាត់បង់នូវយុទ្ធមិត្តដ៏ក្លាហាន ស្មោះត្រង់ ចំពោះជាតិ មាតុភូមិ របស់កម្លាំងនគរបាលស្រុកអង្គស្នួល ផងដែរ ។
ក្នុងឱកាសដ៏សែនក្រៀមក្រំនេះ លោកអធិការនគរបាលស្រុក បាននាំមកនូវបច្ច័យចំនួន ២.៥៩០.០០០រៀល (ពីរលានហាសិបប្រាំបួនមុឺនរៀល)ដែលបានមកពីការចូលរួមបុណ្យ និងរំលែកទុក្ខ របស់កងកម្លាំងនគរបាលស្រុកអង្គស្នួល ប្រគល់ជូនដល់ក្រុមគ្រួសារសពផងដែរ ។
